Sibarita      
 

   ¡A mi n'amás me gusta

que dali gustu al cuerpo!

Si yo juera bien rico

jacía n'amás eso;

jechalme güenas siestas

embajo de los fresnos;

jartalmi de gaspachos

con güevos y poleos;

cascalmi güenos fritis

con bolas y pimientos;

mercal un buen caballo;

tenel un jornalero

que to me lo jiciera,

pa estalmi yo bien quieto,

andal bien jateao,

jechal ca instanti medio,

fumal de nuevi perras

y andalmi de paseo

lo mesmo que los curas,

lo mesmo que los médicos...

  Si yo juera bien rico

jacía n'amás eso.

¡Que a mí n'amás me gusta

que dali gustu al cuerpo!